अध्ययन निष्पत्ती इयत्ता 1 ली | Learning Outcomes STD 1st
 |
| Learning Outcomes STD 1st |
अध्ययन निष्पत्ती म्हणजे काय ?
विद्यार्थ्याने विषय शिकल्यानंतर काय साध्य झाले पाहिजे त्याला कोणती कौशल्ये आत्मसात झाली पाहिजे कुठल्या क्षमता विकसित झाल्या पाहिजे यालाच learning outcomes किंवा अध्ययन निष्पत्ती असे म्हणतात.
शैक्षणिक सत्राच्या शेवटी विद्यार्थ्यांनी कोणकोणत्या क्षमता आत्मसात केल्या ? हे पाहायला पाहिजे. ह्या क्षमता म्हणजेच अध्ययन निष्पत्ती होय.
वर्गाच्या प्रत्येक वर्षीच्या क्षमता ठरवलेल्या असतात. वर्षाच्या शेवटी मुलांनी या क्षमता अवगत करणे आवश्यक असते. मुलांनी त्यात प्रवीण असायला हवे, अशा बाबतीत अध्ययन निष्पत्ती साध्य झाल्या असे म्हणता येईल.
अध्ययन निष्पत्ती कृती आराखडा-
अध्ययन निष्पत्ती साध्य होण्यासाठी त्या त्या वर्गाच्या अध्ययन निष्पत्तीचा अभ्यास असायला हवा. त्यावर आधारित कोणते अध्ययन अनुभव मुलांना देता येणे शक्य आहे याचा विचार करायला हवा.अध्ययन निष्पत्ती व छोट्या छोट्या कृतींचा मेळ वर्गाच्या स्तरावर घातला पाहिजे.
ज्या शिक्षक बांधवांना इयत्ता पहिलीच्या अध्ययन निष्पत्ती PDF स्वरूपात हवी असेल त्यांनी खालील डाउनलोड बटनाला क्लिक करून डाउनलोड करू शकता.
इयत्ता पहिलीसाठी कोणकोणत्या अध्ययन निष्पत्ती आहेत. ते आपण खाली पाहू.
👇👇👇👇👇👇👇👇👇👇
एकात्मिक
पाठ्यपुस्तक इयत्ता पहिली अध्ययन निष्पत्ती : प्रथम भाषा
मराठी
अध्ययनार्थी –
01.01.01 विविध उद्देशांसाठी स्वत:च्या भाषेचा किंवा शाळेतील माध्यम भाषेचा वापर करून गप्पा गोष्टी करतात. उदा., कविता, गोष्टी ऐकवणे, माहिती मिळवण्यासाठी प्रश्न विचारणे, स्वत:चे अनुभव सांगणे.
01.01.02 ऐकलेल्या गोष्टींविषयी (गोष्ट, कविता इत्यादी) गप्पा मारतात, आपले मत व्यक्त करतात, प्रश्न विचारतात.
01.01.03 भाषेतील विशिष्ट ध्वनी आणि शब्द यांच्याशी खेळण्याचा आनंद घेतात. उदा., भिंगरी, झिंगरी.
01.01.04 लिखित साहित्य आणि चित्र स्वरूपातील साहित्य यांतील फरक सांगू शकतात.
01.01.05 चित्रातील सूक्ष्म व दृश्य पैलूंचे बारकाईने नि रीक्षण करतात.
01.01.06 चित्रातील वा चित्रमालिकांतील घडणाऱ्या वेगवेगळ्या घटना, कृती आणि पात्र यांना एकसंधपणे पाहून त्यांचे वर्णन करतात.
01.01.07 वाचलेल्या गोष्टी, कविता यांतील अक्षरे/शब्द/वाक्ये इत्यादी पाहून आणि त्यांचे ध्वनी ऐकून, समजून ओळखतात.
01.01.08 परिसरातील छापील मजकूर व त्याचा उद्देश यांचा संदर्भाने अंदाज लावतात. उदा., वेष्टणावर लिहिलेले ओळखून गोळी/चॉकलेटचे नाव सांगणे.
01.01.09 लिखित साहित्यातील अक्षरे, शब्द आणि वाक्येही एकके ओळखतात. उदा., ‘माझे नाव विमल आहे.’ हे कोठे लिहिले आहे ते दाखव/यात ‘नाव’ हा शब्द कोठे आहे./‘नाव’ या शब्दातील ‘व’ वर बोट ठेव.
01.01.10 परिचित/अपरिचित मजकुरामध्ये (उदा., मध्यान्ह भोजनाचा तक्ता, स्वत:चे नाव, इयत्ता , आवडत्या पुस्तकाचे नाव) रस घेतात, गप्पा गोष्टी करतात आणि त्यांचे अर्थ शोधण्यासाठी विविध युक्त्यांचा वापर करतात. उदा., केवळ चित्र किंवा चित्र व मजकूर यांच्या मदतीने अंदाज करणे, अक्षर व ध्वनी यांच्या संबंधांचा वापर करणे,पूर्वानुभव आणि माहितीच्या आधारे अंदाज करणे.
01.01.11 वर्ण मालेतील अक्षरे व ध्वनी ओळखतात.
01.01.12 शाळेबाहेर आणि शाळेत (वाचनकोपरा/वाचनालय) आपल्या आवडीच्या पुस्तकांची स्वत: निवड करतात आणि वाचण्याचा प्रयत्न करतात.
01.01.13 लेखन शिकताना ऐकलेले आणि आपल्या मनातील विचार, विकासस्तरानुसार चित्रे , आडव्या -तिरप्या रेषा, अक्षर आकृत्या , स्वयं-पद्धतीने लेखन आणि स्व-नियंत्रित लेखनाच्या माध्यमातून आपल्या पद्धतीने लिहिण्याचा प्रयत्न करतात.
01.01.14 स्वत: काढलेल्या चित्रांची नावे लिहितात. उदा., केरसुणीचे चित्र काढून त्याचे ‘लोटणं’ असे स्वभाषेतील नाव लिहिणे.
एकात्मिक पाठ्यपुस्तक
इयत्ता पहिली अध्ययन निष्पत्ती : गणित
अध्ययनार्थी –
01.71.01 १ ते २० (1 to 20) पर्यंतच्या संख्यांवर कृती करतात.
01.71.02 वस्तूंचा आकार आणि लहान-मोठेपणा यानुसार वस्तूंचे वर्गीकरण करतात.
01.71.03 वस्तूंच्या , चित्रांच्या किंवा चिन्हांच्या साहाय्याने २० पर्यंतच्या संख्यां ची नावे म्हणतात आणि मोजतात.
01.71.04 १ ते ९ (1 to 9) अंकांचा वापर करून वस्तू मोजतात.
01.71.05 २० पर्यंतच्या संख्यांची तुलना करतात. उदा. वर्गातील मुले आणि मुली यांपैकी कोणाची संख्या जास्त आहे, हे सांगतात.
01.71.06 दैनंदिन व्यवहारात बेरीज-वजाबाकीसाठी १ ते २० (1 to 20) पर्यंतच्या संख्यांचा वापर करतात.
01.71.07 वस्तू वापरून ९ पर्यंतच्या संख्यांच्या , बेरजांची रचना करतात. उदा. ३+३ हे उदाहरण ३ च्या पुढे ३ पायऱ्या मोजून ३+३=६ असा निष्कर्ष काढतात.
01.71.08 वस्तू वापरून १ ते ९ अंकांच्या मदतीने वजाबाकी करतात. उदा. ९ वस्तूंच्या समूहातून ३ वस्तू बाजूला काढतात आणि उरलेल्या वस्तू मोजून ९-३=६ असा निष्कर्ष काढतात.
01.71.09 दैनंदिन जीवनातील ९ पर्यंतच्या संख्यांच्या बेरीज-वजाबाकीवर आधारितप्रश्न सोडवितात.
01.71.10 ९९ (upto 99) पर्यंतच्या संख्या ओळखतात आणि अंकांत लिहितात.
01.71.11 आकार, वस्तू आणि संख्यांमधील आकृतिबंधाचे निरीक्षण करतात. आकृतिबंधाचा विस्तार करतात आणि निर्मिती करतात.
01.71.12 चित्रे /अंक वापरून माहिती गोळा करतात. नोंद करतात आणि चित्रे पाहून सोप्या माहितीचा अर्थ लावतात. उदा. मूल बागेतील चित्रात विविध प्रकारची फुले पाहून या बागेत विशिष्ट रंगांची फुले जास्त आहेत हा तर्क /अनुमान काढतात.
01.71.13 शून्य (zero) ही संकल्पना समजून घेतात.
एकात्मिक पाठ्यपुस्तक इयत्ता पहिली अध्ययन निष्पत्ती : इंग्रजी भाषा
The Learner –
01.17.01 Learns and names English words for familiar objects and pictures.
01.17.02 Recognizes/Identifies letters of the alphabet and their sounds correctly.
01.17.03 Differentiates between small and capital letters in print.
01.17.04 Sings/Recites poems/rhymes with proper rhythm and actions.
01.17.05 Listens and gives appropriate verbal/non-verbal responses.
01.17.06 Understands the sequence of events and stories in simple narration.
01.17.07 Carries out simple instructions, commands and acts accordingly.
01.17.08 Listens to English words, greetings, polite forms of expression,
simple sentences and responds in English or mother tongue.
01.17.09 Speaks about self / situation / pictures in English.
01.17.10 Uses nouns such as ‘boy’, ‘sun’ and prepositions like ‘in’,‘on’,‘under’etc.
01.17.11 Writes simple words like ‘fan’, ‘hen’, ‘rat’, etc.
01.17.12 Listens and enjoys fables and short stories.
01.17.13 Identifies different shapes.
01.17.14 Counts numbers up to 10.
01.17.15 Enjoys rhymes, songs and poems.
01.17.16 Responds appropriately to commands given by teachers etc.
01.17.17 Uses stock expressions in face to face interactions.
01.17.18 Narrates / Enacts a familiar story or event.
01.17.19 Associates words with pictures.
ज्या शिक्षक बांधवांना इयत्ता पहिलीच्या अध्ययन निष्पत्ती PDF स्वरूपात हवी असेल त्यांनी खालील डाउनलोड बटनाला क्लिक करून डाउनलोड करू शकता.
इयत्ता दुसरी अध्ययन निष्पत्ती डाउनलोड करा.- Click Here
इयत्ता तिसरी अध्ययन निष्पत्ती डाउनलोड करा. - Click Here
इयत्ता चौथी अध्ययन निष्पत्ती डाउनलोड करा. - Click Here
इयत्ता पाचवी अध्ययन निष्पत्ती डाउनलोड करा. - Click Here
नवनवीन माहितीसाठी
खालील ग्रुप मध्ये सामील होऊ
शकता.
Whatsapp Group Link - https://chat.whatsapp.com/BzEMSOuUCHh4fNDTkYUQqw
Telegram Group Link - https://t.me/+8M9UPC68PIA2NTFl
0 टिप्पण्या